Prezıdent Qasym-Jomart Toqaev eldegi sanıtarlyq-epıdemıologıalyq ahýal jónindegi keńeste ınfeksıalyq aýrýhanalardy tıimdi paıdalanýdy tapsyrdy.

– Birneshe aıdyń ishinde jańa ınfeksıalyq aýrýhanalar salyndy, qajetti qural-jabdyq satyp alyndy, dári-dármek qory jasaqtaldy. Medısına qyzmetkerlerin de oqyttyq. Endi, osynyń bárin durys ári tıimdi paıdalaný kerek. Byltyrǵy jazda bolǵan jaǵdaıdyń qaıtalanýyna jol berýge bolmaıdy. Densaýlyq saqtaý júıesiniń bir qalypty jumys isteýin qamtamasyz etý qajet. Ókinishke qaraı, osy máselede olqylyqtar bar, – dep atap ótti prezıdent.

Ol óńirdegi densaýlyq saqtaý nysandaryn tekserip, ol jepdegi jaǵdaıdyń máz emestigin atap ótti.

– Onyń nátıjesi kóńil kónshitpeıdi. Jańadan salynǵan modýldi juqpaly aýrýlar ortalyqtary ǵana standarttarǵa saı keledi. Koronavırýstyń jańa tolqyny eń joıqyn bolyp otyr. Sońǵy kúnderi júzdegen azamatymyzdan aıyrylyp qaldyq. Ár óńirde aýrýhanaǵa túsken naýqastardyń sany kúrt kóbeıdi. Jansaqtaý bólimderiniń barlyǵy iske qosyldy. Qosymsha dári-dármek pen qural-jabdyq satyp alyndy, – dedi Toqaev.