Germanıanyń Reınland-Pfals, Soltústik-Reın-Vestfalıa jáne Bavarıa shtattarynda nóser jaýyp, sý tasqyny kezinde 164 adam qaza tapty. Bul týraly Anadoly aqparat agenttigi habarlady.

Koblens polısıasynyń málimdeýinshe, Reınland-Pfals shtatynda sý tasqyny kezinde qaza tapqandar sany 117-ge, jaraqat alǵandar sany 749-ǵa jetken. Soltústik Reın-Vestfalıa shtatynyń ishki ister qyzmeti shtatta sý tasqynynan qaza tapqandar sany 47-ge deıin óskenin málimdedi.

"Bavarıa shtatynda sý tasqynynan qaıtys bolǵan adam sany 164-ke jetti. Qazirgi tańda sý tasqynynan zardap shekken aýdandarda izdestirý-qutqarý jumystary jáne qoqystardy tazartý jumystary jalǵasýda" delingen habarlamada.

17 shildede prezıdent Qasym-Jomart Toqaev Germanıa kansleri Angela Markelge tabıǵı apattan qaza bolǵandarǵa baılanysty kóńil aıtý jedelhatyn joldaǵan.