Eýroodaqta energetıkalyq hartıa degen bar, ol boıynsha Eýroodaq jerimen ótetin barlyq qubyrlarǵa (meıli ol gaz bolsyn, munaı bolsyn, sý bolsyn, t.s.s. báribir) bir memleket 50%-dan artyq óz ónimin toltyrýǵa quqy joq. Bul áldeqandaı bir memleket monopolısik basymdyqqa ıe bolyp, keıin basqalarǵa óz sharttaryn tańyp otyrmaý úshin ádeıi jasalǵan kelisim.

Baltyq teńiziniń túbimen tartylǵan Nordstrım-2 gaz qubyry qurlyqqa shyǵysymen Germanıanyń ústimen júrip otyryp Ortalyq magıstraldy qubyrǵa deıin jetedi de keıin basqa Eýropa elderine taraıdy. Bul gaz qubyry Nordstrım-2-niń qurlyqtaǵy jalǵasy bolsa da basqasha, ORAL dep atalady.

Mine, osy qubyr arqyly tasymaldanatyn gazdyń negizinen Reseıden keletinin kórip otyrǵan Polsha Germanıany Eýropa sotyna berdi. Germanıa Eýropalyq energetıkalyq Hartıaǵa baǵyna ma, joq pa? Álde Germanıa erekshe statýsqa ıe me? - dep suraqty tótesinen qoıdy Polsha. Eýropa soty osyny eki jyl oılandy, birden sheshe almady. Argýment myqty, temirdeı. Aqyry ári oılanyp, beri oılanyp, Polshanyń talaby durys dep moıyndaýǵa májbúr boldy.

Olaı bolsa Nordstrım-2 qubyry da 50%-ǵa ǵana toltyrylady ǵoı? Artyq gazdy qaıda tyǵady? Al bul óte tıimsiz, qubyrǵa ketken shyǵyn aqtalmaıtyny óz aldyna, tipti Gazprom tabyssyz qalýy múmkin.

Aldaǵy kúzde, qazan aıynda Germanıada parlament saılaýy ótedi. Sonda kansler Angela Merkel hanym ketedi dep kútilip otyr. Kandıdattar arasynda Nordstrım jobasyna áýel bastan-aq qarsy bolǵan "jasyldar partıasy" bar. Osy partıanyń jetekshisi Annanela Berbok Polshamen jaqsy qarym-qatynasta. Onyń ústine keshegi jaýyn da klımatty ózgertý kerek dep júrgen "jasyldar partıasyna" jaqsy jarnama jasap berdi, saılaýǵa eki aıdaı ýaqyt qalǵanda. Bul osy partıanyń jeńisin jaqyndata túsedi. Eń bolmaǵanda parlamentte fraksıa qurýǵa múmkindik týǵyzýy múmkin. Al bul da az jeńis emes.

Qýanysh Edilhantegi,
Sholýshy