Prezıdent Qasym-Jomart Toqaev musylman jamaǵatyn Qurban aıt meıramymen quttyqtady, dep habarlady Aqordanyń resmı saıty.

– Bul – qaıyrymdylyq pen janashyrlyq, izgilik pen ımandylyq sıaqty asyl qasıetterdi dáripteıtin ulyq meıram.

Salt-dástúrimizben berik ushtasqan ata dinimiz – eldiń rýhanı tutastyǵyn saqtaýǵa yqpal etetin basty qundylyqtyń biri, – dedi memleket basshysy.

Toqaev óz sózinde Qurban aıt qashanda barsha jurtty bereke-birlikke úndeıtinin búkil halyqtyń yrys-yntymaǵyn arttyratynyn atap ótti.  

– Musylman balasy bul kúnderi otbasy amandyǵy men el tynyshtyǵy úshin qurbandyq shalyp, joq-jitikke kómektesedi, muqtaj jandarǵa qamqorlyq tanytady. Osyndaı izgi nıet pen saýapty is el-jurttyń bir-birimen etene aralasýyna, ózara syılastyq pen jaqsylyqqa jol ashady.   

Qurban aıttyń ulaǵaty men ónegesi bizdiń rýhanı qundylyqtarymyzben úndesedi. Búgingi merekeniń mán-mańyzy osynda dep bilemin. 

Shalǵan qurbandyqtaryńyz, duǵa-tilekterińiz qabyl bolsyn, – dep sózin túıindedi prezıdent.