Bilim jáne ǵylym mınıstrligi Shet tilder jáne iskerlik karera ýnıversıteti lısenzıasynan aıyrylǵanyn habarlady. 

– Buryn joǵary oqý ornynda profılaktıkalyq baqylaý júrgizildi. Nátıjesinde tekserý paraǵynyń 39-shy jáne 46-shy tarmaǵy boıynsha buzýshylyqtar anyqtaldy. Ýnıversıtetke sáıkessizdikterdi joıý úshin ýaqyt berildi, alaıda qaıta tekserý jumystary, qajetti jumysty júrgizbegenin kórsetti.

Ýnıversıtette bilim berý sapasyn qamtamasyz etýdiń ishki júıesi qalyptaspaǵan. Bilim berý baǵdarlamalaryn, jeke oqý josparlaryn taldaý belgili bir pánder boıynsha kredıtterdi ıgerýde úlken aıyrmashylyqtardy kórsetti. Tıisinshe, bilim alýshylar pánderdi tolyq kólemde meńgermeıdi. Oqytý nátıjeleri boıynsha stýdentterdiń 90%-y shekti deńgeıden óte almady. Oqý prosesinde tipti eń tómengi belgilengen talaptarǵa saı kelmeıtin eskirgen kompúterler qoldanylady, – dedi bilim jáne ǵylym salasyndaǵy sapany qamtamasyz etý komıtetiniń basqarma basshysy Elvıra Saparbekova.

Anyqtalǵan zańbuzýshylyqtarǵa baılanysty, atalǵan oqý ordasy lısenzıasyn toqtatty.  Budan ári bas lısenzıadan aıyrý jáne joǵary oqý ornyn jabý boıynsha jumys júrgiziletin bolady.