"Pandemıa aımaq basshylary úshin ózindik emtıhan boldy. Bul emtıhandy ákimderdiń kem degende jartysy "úshke" tapsyrdy" degen prezıdent Qasym-Jomart Toqaevtyń málimdemesinen keıin saıasatker Sanjar Boqaev aımaq basshylarynyń jumysyna ózindik saraptama jasap, nátıjesin jarıalady.

Saıasatker úkimettiń fýnksıonaldyq mindeti "5" baldyq júıege súıenip baǵalanǵanyn, baǵalaý obektıvti bolýy úshin eń jaqsy sarapshylar, ekonomıser, saıasattanýshylar, áleýmettanýshylar men  qarjygerlerdiń keńesine júgingenin aıtady.

– Baǵalaýdy dálelsiz is-áreketpen emes, úkimet týraly zańnan jáne primeminister.kz saıtynan alynǵan úkimettiń 30 naqty fýnksıonaldyq tapsyrmasynan qaradyq, – deıdi saıasatker.

Úkimettiń kúndeligine "5" baldyq shkala boıynsha upaılardy saıasatker Dosym Satbaev, áleýmettanýshy Gúlmıra Ileýova, ekonomıs Qasymhan Qapparov, qarjyger Rasýl Rysmambetov jáne Andreı Chebotarev qoıǵan.

Baǵalaý qorytyndysyna saı, aýyl sharýashylyǵy, ındýstrıalandyrý, quqyqtyq saıasat, qoǵammen baılanys jumystary "1" degen baǵa alsa, úkimettiń jalpy jınaǵan baǵasy 2-ge teń.

– Men de sizder sıaqty mınıstrler kabınetiniń basshysy Asqar Mamınge sarapshylar qandaı baǵa beretinin bilgim keldi. Óıtkeni onyń basty mindeti – úkimettiń jumysyn tıimdi uıymdastyrý. Sarapshylar Mamın myrzanyń jumysyna "2" degen baǵa qoıdy, – dedi ol.

Saıasatker mundaı qabiletsiz basshylardy otstavkaǵa ketirýdi talap etýge bolatynyn da atap ótti.

– Meniń oıymsha únemi "2" alatyndar eldi jáne ekonomıkany basqarmaýy kerek. Olardyń jumysynan túk shyqpaıtyny belgili. Bul saraptamany Qasym-Jomart Toqaevqa joldaımyn, – dep sózin túıindedi saıasatker.

 

 

 

Posmotret etý pýblıkasıý v Instagram

 

 

 

Pýblıkasıa ot Sanjar Bokaev (@sanzhar_bokayev)