Premer-mınıstrdiń orynbasary Eraly Toǵjanovtyń tóraǵalyǵymen el aýmaǵynda koronavırýstyq ınfeksıanyń taralýyna jol bermeý jónindegi VAK otyrysy ótti.

Vıse-premer qysqa merzimde kelesi sharalardy qabyldaýdy tapsyrdy:

• Jańa shtammdardyń paıda bolýyn eskere otyryp, koronavırýs ınfeksıasynyń taralýyna jol bermeý jónindegi jedel is-qımyldardyń naqty josparyn ázirleý jáne engizý;
• "QazVac" otandyq vaksınasyn Dúnıejúzilik densaýlyq saqtaý uıymynda tirkeý jáne ony odan ári úshinshi elderdiń naryqtaryna shyǵarý máselesin pysyqtaý, osy baǵytta naqty jol kartasyn ázirleý;
• Karantındik shekteýlerdi saqtaýǵa qoıylatyn talaptardy qatańdatý máselesin pysyqtaý; vaksınalaý qarqyny tómen óńirlerge ádistemelik kómek kórsetý úshin kóshpeli brıgadalardy qalyptastyrý;
• Koronavırýsty dıagnostıkalaý men emdeý hattamalaryna sáıkes reanımasıa bólimsheleri men jedel medısınalyq kómek qyzmetterin qosymsha jaraqtandyrýdy qamtamasyz etý jóninde naqty usynystar engizý;
• Koronavırýspen aýyratyn naýqastardy emdeý úshin "Remdesıvır" preparatyn ortalyqtandyrylǵan satyp alý máselesin sheshý jóninde sharalar qabyldaý;
• İshki ister mınıstrligi basqa da múddeli memlekettik organdarmen birlesip, jalǵan vaksınalaý pasporttaryn jasaýdyń jolyn kesý jónindegi vedomstvoaralyq arnaıy top qursyn;
• Sıfrlyq damý, ınovasıalar jáne aeroǵarysh ónerkásibi mınıstrligi "Atameken" Ulttyq palatasymen jáne Densaýlyq saqtaý mınıstrligimen birlesip, bıznes sýbektilerin "Ashyq" baǵdarlamasyna engizý jónindegi talaptardy jeńildetsin.
• Memlekettik organdardyń basshylary men óńirlerdiń ákimdikterine vaksınalaý turǵysynan túsindirý jumystaryn kúsheıtýdi tapsyrdy
• "Ashyq" arqyly tirkelgen qoǵamdyq oryndarǵa baratyn "qyzyl" jáne "sary" mártebesi bar adamdarǵa qatysty sharalardy qatańdatý týraly sheshim qabyldady.
• Endi karantın rejımin "qyzyl" mártebesi bar buzýshylardyń esimderi buqaralyq aqparat quraldarynda jarıalanady.