Tirkelmegen Demokratıalyq partıa ókilderi Almaty qalasy polısıa departamenti ǵımaratynyń aldynda qamaýda jatqan jaqtastary Abzal Dostıarovty bostandyqqa shyǵarýdy talap etip, ashtyq jarıalaǵanyna 3 kún bolyp qaldy. Olar tek sý ishedi, kezektesip uıyqtaıdy. Narazylyq aksıasy jalǵasqan 3 kúnde keıbiri daladaǵy oryndyqtarda, keıbiri avtokólikte uıyqtaǵan. Belsendiler polısıa ózderin qýýyǵa tyrysqanyn, ara-tura olarmen qaqtyǵysyp qalǵanyn aıtady. Sondaı qaqtyǵystardyń birinde búgin belsendiler Arýjan Dúısebaeva men Gýlnara Mırmanbaeva jaralanyp, olardy jedel járdem kóligi alyp ketken.

"Dempartıa" belsendisi Abzal Dostıarov 14 shildede "usaq buzaqylyq" baby boıynsha 6 táýlikke qamalǵan. Keıin qamaý merzimi bir kúnge qysqartylyp, belsendi 19 shildede bosap shyǵýǵa tıis edi. Biraq sol kúni keshke sot ótip, Dostıarov taǵy 15 kúnge qamalǵan. Janbolat Mamaı muny belsendige jasalǵan moraldyq qysym dep sanaıdy.