Prezıdent Qasym-Jomart Toqaev Reseı prezıdenti Vladımır Pýtınmen telefon arqyly sóılesti. Bul týraly Aqorda saıty habarlady.

Saıt málimetinshe, memleket basshylary Aýǵanstandaǵy jaǵdaıdy jáne onyń Ortalyq Azıa aımaǵynyń  turaqtylyǵy men qaýipsizdigine tıgizetin áserin talqylaǵan.

Aımaqtyń áleýmettik-ekonomıkalyq turǵydan tabysty damýyn qamtamasyz etý maqsatynda eki memlekettiń jáne óńirdegi ózge de elderdiń úılesimdi is-qımyldarynyń mańyzdy ekeni atap ótildi. 

Qasym-Jomart Toqaev bıylǵy qyrkúıek aıynda Vladıvostokta ótetin Shyǵys ekonomıkalyq forýmynyń jumysyna qatysýǵa shaqyrǵany úshin Vladımır Pýtınge rızashylyǵyn bildirdi.