Álemniń túkpir-túkpirinde tabıǵattyń túrli tosyn syıy men apattar bolyp jatyr.
Aıtalyq, mol mólsherde túsken jaýyn-shashyn saldarynan Londonnyń kóptegen aýdandarynyń kósheleri sý astynda qaldy.
VVS degeginshe, uzyn-sonar kólik keptelisteri paıda bolyp, poıyz ben metro qozǵalysy buzylǵan. Soltústik aınalma jol men Temza ózeniniń astyndaǵy tonnel, 8 metro beketi jabylǵan.
Ulybrıtanıa bıligi jaýyn deńgeıi 100 mıllımetrge jetken eldiń ońtústik-shyǵysynyń basym kópshiligindegi jaǵdaıǵa baılanysty "sary deńgeı" jarıalady.
– Men Londonda týyp-óstim. Mundaıdy ómirimde kórmeppin. Avtobýstar sýdan qozǵala almaı bir orynda turyp qaldy, – deıdi velosıpedıst Eddı Ellıott.
Sınoptıkter alda taǵy nóser jaýyp, jel soǵýy múmkin ekenin eskertti.
Al Afrıkanyń ońtústiginde qar jaýyp, rekordtyq aıaz tirkeldi. Ońtústik Afrıka respýblıkasynyń ortalyq bóliginde aýa temperatýrasy mınýs 10 graýdýsqa deıin tómendegen. Kóktaıǵaqqa baılanysty joldar jabylǵan.
Dw.com basylymynyń jazýynsha, 24 shilde túnde boıynsha eldiń 19 aýdanynda tómengi temperatýra rekordy tirkelgen.
Ótken aptada Túrkıanyń Rıza jáne Artvın provınsıalarynda nóserden sý tasqyny boldy. Arhavı ózini arnasynan asyp, aýdan ortalyǵy men aýyl joldaryn basyp qalǵan.
Germanıanyń Reınland-Pfals, Soltústik-Reın-Vestfalıa jáne Bavarıa shtattarynda nóser jaýyp, saldarynan sý tasyp, 164 adam qaza tapty.
Koblens polısıasynyń málimdeýinshe, Reınland-Pfals shtatynda sý tasqyny kezinde qaza tapqandar sany 117-ge, jaraqat alǵandar sany 749-ǵa jetken. Soltústik Reın-Vestfalıa shtatynyń ishki ister qyzmeti shtatta sý tasqynynan qaza tapqandar sany 47-ge deıin óskenin málimdedi.
21 shildede Qytaıdyń Chjenchjoý qalasyna tolassyz jaýǵan jańbyr saldarynan 12 adam qaıtys bolyp, myńdaǵan adam evakýasıalandy.
Henan provınsıasyndaǵy tasqynnan 500-den astam adam qutqarylyp, 200 myńnan astam adam úılerinen evakýasıalandy. Apattyń vıdeolary áleýmettik jelide tarap jatyr.
– Men Chjenchjoýda turǵaly ómirimde búgingideı jańbyr kórgen emespin, – dedi Van Gırong atty 56 jastaǵy qytaı azamaty.
Bı-bı-sı málimetinshe úsh kúnde Chjenchjoýda jaýǵan nóser mólsheri bir jyldyq jaýyn-shashyn deńgeıine teń bolǵan.
Watch: Touching moments during flood rescue in #Henan pic.twitter.com/zT3vuuVCSy
— CGTN (@CGTNOfficial) July 21, 2021
Pikir qaldyrý