Tokıodaǵy olımpıada oıyndarynda shvesıalyq qarsylasyn utqan qazaqstandyq tenısshi Elena Rybakına jarystan alǵan áserimen bólisti. Bul týraly Olympic.kz saıty habarlady.

– Búgingi oınym jaman emes. Birinshi settiń basynda azdap asyǵyp, birqatar qatelikterge boı aldyrdym. Biraq, jalpy alǵandaǵy nátıjem kóńilden shyǵady. Kún raıy da jaqsyraq, alaıda, aýadaǵy ylǵal áli bar. Jańa dopty aýystyrǵanda da qıyndyq týdy, áseri basqasha. Ýımbldonnan soń bir aptadaı úzilis aldym. Sol sebepti jaqsy daıyndyqpen keldim. Fızıkalyq turǵydan da ózimdi jaqsy sezinemin. Kelesi machqa daıyndalamyn, – dedi Rybakına. 

Búgin qazaqstandyq tenısshi ekinshi aınalymda Shvesıa ókili Rebekka Petersonmen kezdesken bolatyn. Eki setke sozylǵan machta Rybakına 6:2, 6:3 esebimen jeńiske jetti. Kezdesý 1 saǵat 14 mınýtqa sozylǵan. 

Elena Rybakına tenısten Qazaqstan áıelder komandasynyń Tokıo olımpıadasynda qalǵan jalǵyz ókili. Buǵan deıin Zarına Dıas, Iaroslava Shvedova jáne Iýlıa Pýtınseva jarysty jalǵastyrýdan bas tartqan.