Bokstan Qazaqstan komandasynyń múshesi Sáken Bıbosynov Tokıo olımpıadasyndaǵy birinshi jekpe-jegin sátti ótkizdi, dep habarlady Olympic.kz saıty. 

52 kelide synǵa túsken Bıbosynov birinshi aınalymda Pýerto-Rıko ókili Iankel Rıvera Fıgeroamen kezdesti. 

Qazaqstandyq boksshy qarsylasyn 4:1 esebimen tize búktirdi.

Buǵan deıin Serik Temirjanov (57 keli) pen Zákir Safıýllın (63 keli) Tokıo oıyndaryndaǵy alǵashqy jeńiske qol jetkizgen.

Olımpıadada erler quramasy barlyq salmaq dárejesinde óner kórsetedi. Olar: Sáken Bıbosynov (52 keli), Serik Temirjanov (57 keli), Zakır Safıýllın (63 keli), Abylaıhan Júsipov (69 keli), Ábilhan Amanqul (75 keli), Bekzat Nurdáýletov (81 keli), Vasılıı Levıt (91 keli) pen Qamshybek Qońqabaev (91 keliden joǵary).

Áıelder arasyndaǵy bokstan el namysyn jalǵyz Nadejda Rábes (75 keli) qorǵaıdy.