Tokıo olımpıadasynda alǵashqy jekpe-jegin sátti ótkizgen boksshy Sáken Bıbosynovtyń bapkeri Myrzaǵalı Aıtjanov kezdesý týraly aıtyp berdi. 

– Birinshi kezdesý bolǵannan keıin árdaıym qıyn bolady. Ońaı qarsylas joq. Qarsylasy da qurlyqtan, Amerıka kontınentinen iriktelip kelgen boksshy. Birinshi raýnd barlaý emes, birden tóbeleske ulasty. Ekinshi raýndtan bastap Sáken óziniń oıynyn kórsetip, aıaq-qolyn, boıynyń uzyndyǵyn paıdalanyp, aıtqanymyzdy istep otyrdy. Nátıjesinde qarsy shabýyl jasap, jekpe-jekti jeńip shyqty, – dedi sportshynyń bapkeri.

Aıtýynsha, Sáken Bıbosynovtyń endigi qarsylasy álem chempıonatynyń qola júldegeri fransıalyq sportshy.

– Onymen osy ýaqytqa deıin kezdeskenbiz. Uttyq ta, utyldyq ta. Esep 1:1. Erteń sheshýshi sátte barymyzdy salatyn kez keldi, – dedi Myrzaǵalı Aıtjanov.

52 kelide synǵa túsken Sáken Bıbosynov birinshi aınalymda Pýerto-Rıko ókili Iankel Rıvera Fıgeroamen kezdesip, qarsylasyn 4:1 esebimen tize búktirgen.