Oqýshylardy 1-synypqa qabyldaý 1 tamyzǵa deıin jalǵasady. Bul týraly Bilim jáne ǵylym mınıstrliginiń resmı saıty habarlady.
– Biz qujattardy qabyldaý merzimin uzarttyq. Endi qujattardy qabyldaý 4 aıǵa sozylady. Bul ata-analarǵa da, mektep ákimshilikterine de oqý prosesine daıyndyqty aldyn ala oılastyrýǵa múmkindik beredi. Sondaı-aq 10 tamyzdan keıin mektepterde daıyndyq toby jumysyn bastaıdy, oǵan ata-analardyń qalaýy boıynsha mektepke deıingi mekemelerge barmaǵan nemese mektepaldy daıarlyqtan ótpegen balalar bara alady, – dedi BǴM Mektepke deıingi jáne orta bilim komıteti tóraıymy Maıra Meldebekova.
Mınıstrliktiń málimetinshe, birinshi synypqa qabyldaý úshin 310 myńnan astam ótinish túsken. Jalpy ótinishterdi qabyldaý Egov.kz portaly arqyly elektrondyq formatta júrgiziledi. Mektepke qabyldaý úshin tómendegi qujattardy usyný qajet:
- balanyń densaýlyq jaǵdaıy týraly qujattar (balanyń densaýlyq pasporty №026/ý-3, №063/ý nysany boıynsha medısınalyq anyqtama);
- balanyń 3h4 sýreti.
Pikir qaldyrý