28 shildede PTR arqyly 7479 adamnan koronavırýs, 262 adamnan pnevmonıa anyqtalǵan. 

27 shildedegi jaǵdaı boıynsha, koronavırýstan 81, pnevmonıadan 16 adam kóz jumǵan. 

Qazaqstan óńirlerindegi epıdemıologıalyq ahýaldy baǵalaý matrısasyna sáıkes Túrkistan oblysy ǵana "sary" aımaqta, qalǵan óńirlerdiń bári "qyzyl" aımaqta ornalasqan. 

29 shildedegi málimet boıynsha  88 495  adam koronavırýstan, 2 272 pnevmonıadan emdelip jatyr. Olardyń ishinde 25 714 pasıent stasıonarda, 65 053 naýqas ambýlatorıalyq deńgeıde em qabyldaýda. 

İndetke shaldyqqandar arasynda  1 573 adamnyń jaǵdaıy aýyr, 332 pasıenttiń jaǵdaıy óte aýyr, 154 naýqas ÓJJ apparatynda jatyr.

29 shildedegi málimet boıynsha Qazaqstanda vaksınanyń I komponentin 5 275 626 adam, II komponentin 3 535 508  adam saldyrǵan.