Jas jazýshy, birneshe jyldan beri Máskeýde turyp kelgen Aıagúl Mantaı ómirden ótti.

Ol Ońtústik Qazaqstan oblysy, Maqtaral aýdany, Baıqonys aýylynda dúnıege kelgen. 2009 jyly "Jalyn" baspasynan "Jańbyrly kóktem" atty áńgimeler jınaǵy jaryq kórgen.

"Serper" jastar syılyǵynyń laýreaty, Baqqoja Muqaı atyndaǵy ádebı baıqaýdyń júldegeri atanǵan.

2010 jyly Ádebıet nomınasıasy boıynsha Prezıdent stıpendıasynyń ıegeri bolǵan.

Aıagúl Mantaı sońǵy jyldary Máskeýde bilim alyp, oqýdy támámdaǵannan keıin sol jaqta turyp jatqan. Áleýmettik jelide belsendi bolatyn. Qarapaıym adamdardyń ómiri, Reseıdegi tynys-tirshiligi, kórgen, baıqaǵany týraly jıi jazatyn. Jazbalarynan búgingi júıege synı kózqarasta ekeni, ádiletsizdikke jany qas ekeni ańǵarylatyn.