Májilis depýtaty, saıasattanýshy Erlan Saırov áleýmettik jelide ózin-ózi ustaýdyń etıkasy bolýy kerektigin aıtyp, "Áleýmettik jeli kodeksin" qabyldaý máselesin kóterdi.
Depýtat jeliniń joǵary deńgeıdegi mádenıetin qalyptastyrýdyń mańyzyn, onyń basty aspektisi adamnyń jeke basyna qol suqpaý, adamnyń ár-ojdanyn ardaqtaý ekenin atap ótti.
"1. Syn jeke basqa minsiz bolýy kerek.
2. Synnyń jebesi qoǵamdyq mańyzy zor, halqymyzdyń rýhanı álemine qatysty tereń problemalarǵa arnalǵan bolýy kerek.
3. Ókimettiń is-áreketterin, memleketti talqylaǵan kezde jeke basqa tıispeý aksıoma bolýy kerek.
4. Áleýmettik jeli men adamnyń jeke ómiri bir-birine qatysy joq, aralaspaıtyn eki álem.
5. Ár adamda jeke óziniń rýhanı, mádenı, adamı senzýrasy bolýy tıis.
6. Áleýmettik jeli rýhanı álemi tereń, mádenıeti joǵary, adamgershilik qasıeti mol adamdardyń ortasy bolýy kerek.
"Áleýmettik jeli Kodeksi" ómir qajettiligi!" dep jazdy depýtat facebook jelisinde.
Erlan Saırov mundaı málimdemeni jazýshy Aıagúl Mantaıdyń sýısıdinen keıin jasady. Áleýmettik jelide jazýshynyń ózine qol jumsaýyna áldekimderdiń jeke basyna aıtqan sózi sebep bolýy múmkin degen aqparat tarap jatyr.
Pikir qaldyrý