Qazaqstannyń aýyr atletıka federasıasy Tokıo olımpıadasynyń qola júldegerleri Igor Son men Zýlfıa Chınshanlony jańa Toyota Camry avtomobılderimen, sportshylardyń jeke jattyqtyrýshylary men quramanyń bas bapkerin aqshalaı syıaqymen marapattaıdy. Bul týraly aýyr atletıka federasıasynyń baspasóz qyzmeti habarlady.

Sportshylarǵa avtokólik kiltin federasıa prezıdenti Janat Túsipbekov jaqyn arada Nur-Sultan qalasynda tabystaıdy.

Tokıoda ótip jatqan olımpıada oıyndarynda 61 kelige deıingi salmaqtaǵy Igor Son men 55 kelige deıingi salmaqtaǵy Zýlfıa Chınshanlo qola medal jeńip alǵan.

Sársenbi kúni keshke sportshylar Qazaqstanǵa oralyp, olardy Almaty qalasynyń áýejaıynda saltanatty túrde qarsy aldy.