29 shildede 7778 adamnan PTR test arqyly koronavırýs, 304 adamnan pnevmonıa anyqtalǵan. 28 shildede 80 adam koronavırýstan, 21 adam pnevmonıadan kóz jumǵan. Bul týraly densaýlyq saqtaý mınıstrligi habarlady.

Vırýstyń taralýy ásirese respýblıkanyń 3 iri qalasynda órship tur. Bir táýlikte Nur-Sultan qalasynda 1555, Almatyda 1680, Shymkentte 452 adamnan vırýs anyqtalǵan. Ózge aımaqtar boıynsha 29 shildede rastalǵan jaǵdaılar týraly aqparat tómendegideı.

Aqmola oblysynda – 272,

Aqtóbe oblysynda – 302,

Almaty oblysynda – 270,

Atyraý oblysynda – 422,

Shyǵys Qazaqstan oblysynda – 261,

Jambyl oblysynda – 215,

Batys Qazaqstan oblysynda – 189,

Qaraǵandy oblysynda – 931,

Qostanaı oblysynda – 231,

Qyzylorda oblysynda – 220,

Mańǵystaý oblysynda - 230,

Pavlodar oblysynda – 275,

Soltústik Qazaqstan oblysynda – 152,

Túrkistan oblysynda – 121.

30 shildedegi málimet boıynsha, 91 133 naýqas koronavırýstan, 2 447 naýqas pnevmonıadan emdelip jatyr. Olardyń ishinde 26 408 pasıent stasıonarda, 67 172 naýqas ambýlatorıalyq deńgeıde em qabyldaýda. İndetke shaldyqqandardyń arasynda 1 639 adamnyń jaǵdaıy aýyr, 345 pasıenttiń jaǵdaıy óte aýyr, 180 naýqas ÓJJ apparatynda jatyr.

30 shildedegi málimet boıynsha vaksınanyń I komponentin 5 321 718 adam, II komponentin 3 632 067 adam saldyrǵan.