Qazgıdromet demalys kúnderine arnalǵan aýa raıy boljamy jarıalady.

Tamyz aıynyń basynda eldiń batys aımaǵynyń jartysyna jyly jáne qurǵaq aýa massalary kele bastaıdy. Olar jaýyn-shashynsyz aýa raıyn ákeledi, aýa temperatýrasy 33-38 gradýsqa, keı jerlerde 43 gradýsqa deıin kóterilýi múmkin.

Respýblıkanyń qalǵan aýmaǵy atmosferalyq frontaldy bólikterdiń áserinde bolyp, jańbyr jaýady. 31 shildede ońtústik-shyǵysta naızaǵaı oınap, burshaq jaýýy múmkin. Eldiń keı jerlerinde jel 15-20 m/s kúsheıedi, ońtústik jáne ońtústik-shyǵysta ekpini 25 m/s shańdy daýyl bolýy múmkin.

Soltústikte, ortalyqta jáne shyǵysta aýa temperatýrasy kúndiz +27-36 gradýsty kórsetse, ońtústikte 35-40 gradýstyq ystyq saqtalady.