Túrkıanyń kýrortyq aımaǵy Antalıanyń Manavgat aýdanynda orman órtenip, 50-den astam adam túrli deńgeıde jaraqat aldy, dep habarlady Anadoly agenttigi.

Ormanda bastalǵan tilsiz jaý eldi mekenderge jetken. Osynyń saldarynan Túrkıanyń ońtústigindegi alty aýdannyń turǵyndary túgel evakýasıalanǵan

Túrkıa aýylsharýashylyǵy mınıstrligi habarlaǵandaı, ormandardy tilsiz jaýdan qutqarýǵa 19 tikushaq, 108 mashına, 400-deı personal jiberilgen. Biraq órtti sóndirý ońaı bolmaı tur. Jeldiń kúsheıýi órtti odan saıyn órshitip jatyr.

Antalıa – sheteldik jáne jergilikti týrıser kóp baratyn Turkıadaǵy aımaq. Jergilikti bıliktiń málimdeýinshe, munda órttiń órshýine aptap ystyq pen uıytqyǵan jel sebepshi. Órttiń neden bastalǵany ázirge belgisiz. Qazir tergeý júrip jatyr.