Nur-Sultan qalasyndaǵy ınfeksıalyq stasıonarlarda naýqastar kóbeıgen, árbir ekinshi naýqasqa ottegi konsentratory qajet.

Qala ákimshiliginiń habarlaýynsha, kovıdtik aýrýhanalarda ózdiginen demalýǵa áli joq 40 adam ókpeni jasandy jeldetý apparatynda jatyr. Tek ótken táýlikte ǵana ınfeksıalyq stasıonarlarǵa 178 adam jatqyzylǵan. Tósekter birden tolyp jatyr. Árbir ekinshi naýqasqa ottegi konsentratory qajet, olar ınvazıvti emes jeldetýde jatyr. Al jaǵdaıy tym nasharlar ókpeni jasandy jeldetý apparatyna qosylǵan.

Dárigerler jaǵdaıy aýyr naýqastardyń basym bóligi ekpe almaǵan, onymen qosa sanıtarlyq talaptardy elemeı, saltanatty is-sharalarǵa qatysqan nemese uıymdastyrǵan azamattar ekenin aıtady.

2 tamyzdaǵy jaǵdaı boıynsha Nur-Sultan qalasynyń ınfeksıalyq stasıonarlarynda 2903 naýqas jatyr. Reanımasıada 260 adam, 40 pasıent ÓJJ apparatyna qosylǵan.