Qazaq óneriniń kórnekti tulǵasy, ánshi, Qazaqstannyń eńbek sińirgen ártisi, profesor Lúsıa Tóleshova ómirden ótti. Qaraly habar Qazaq radıonyń áleýmettik jelidegi paraqshasynda habarlandy.

Lúsıa Qajyǵalıqyzy Tóleshova 1941 jyly 22 mamyrda Astrahan oblysynda dúnıege kelgen. 1962 jyly Chaıkovskıı atyndaǵy Almaty mýzykalyq ýchılıshesin bitirgen.

Abaı atyndaǵy qazaq memlekettik akademıalyq opera jáne balet teatrynyń solısi bolyp, "Chıo-CHıo san", "Er Tarǵyn", "Qyz Jibek" operalarynda basty rolderdi somdaǵan.

1970 jyly kompozıtor Mansur Saǵatovtyń shaqyrýymen teleradıokomıtettiń óner ujymyna ánshi retinde qabyldanyp, Qazaq radıosynyń "Altyn qoryn" tolyqtyrýǵa úlken úles qosqan. Onyń Qazaq radıosynyń "Altyn qorynda" 300-den astam áni bar.