Tokıo olımpıdasynda ózbekstandyq aýyr atletshi Akbar Djýraev 109 keli salmaqta altyn ıelendi.
Djýraev fınalda julqa kóterýde 193 kelini, serpe kóterýde 237 kelini baǵyndyrdy. Jalpy 430 keli kótergen ol olımpıadada jańa rekord ornatyp, altyn medalǵa ıe boldy.
Ózbekstandyq sportshyny jarysqa qazaqstandyq bapker Erjas Boltaev daıyndaǵan. Ol otandyq aýyr atlet Ilá Ilınniń burynǵy jeke bapkeri bolǵan. Ol "Ilınniń komandasy" dep tanylǵan eldegi eń myqty sportshylardy jattyqtyrǵan. Ilın Erjas Boltaevtyń bapkerligimen 2012 jyly London olımpıadasynda altyn júldeni jeńip aldy. Keıinnen dopıng daýyna iligip, chempıondyq ataǵynan aıyryldy.
2015 jyly bapker Erjas Boltaev Qazaqstan quramasynyń aǵa bapkeri qyzmetine taǵaıyndalǵan.
Alaıda Rıo-2016 oıyndarynda Boltaev Qazaqstan aýyr atletıkasy quramasynyń bas jattyqtyrýshysy Alekseı Nımen janjaldasyp, keıin Ózbekstan úshin olımpıada chempıondaryn tárbıeleı bastady.
Tokıo olımpıadasynda Ózbekstan qorjynynda úsh medal bar, onyń ekeýi altyn. Altyn júldeniń birin Akbar Djýraev aýyr atletıkadan jeńip aldy.
Posmotret etý pýblıkasıý v Instagram
Pikir qaldyrý