Qazaqstannyń 19 mıllıonynshy turǵyny bolǵan Janıa Azamatqyzynyń ata-anasyn Almaty oblysy ákiminiń orynbasary Arslan Dandybaev  jeke quttyqtap, Janıanyń otbasyna bir mıllıon teńgeniń sertıfıkatyn syıǵa tartty.

Sondaı-aq  nárestege arba, balaǵa kútim jasaýǵa arnalǵan zattar men jemis-jıdek salynǵan sebet tabystalǵan. Al Janıanyń eki úlken ápkesine smartfon syıǵa berildi.

Keshe, 3 tamyzda prezıdent Qasym-Jomart Toqaev Twitter paraqshasynda Qazaqstan halqynyń sany 19 mıllıonǵa jetkenin habarlaǵan. 

Ulttyq statısıka búrosynyń habarlaýynsha, Janıa Azamatqyzy 20 maýsymda Almaty qalasynda týǵan otbasynda tórtinshi bala. Halyq esebi derekterine sáıkes ol Qazaqstannyń 19 mıllıonynshy turǵyny ekeni anyqtaldy. 

Týý týraly aktisine sáıkes, náresteniń ata-anasy Almaty oblysy İle aýdany Chapaevo aýylynda turady. Anasy 1986 jylǵy Nazgúl Kóbentaeva, ákesi 1982 jylǵy Azamat Nurǵalıev.