Tokıo olımpıadasynda erkin kúresten eki palýanymyz shırek fınaldan asa almady, dep habarlady olympic.kz saıty.

Erkin kúresten Qazaqstan quramasynyń múshesi Dáýlet Nıazbekov olımpıada oıyndarynyń shırek fınalynda jeńildi. 67 kelige deıingi salmaq dárejesinde Tokıo bozkilemine shyqqan Dáýlet Nıazbekov jarystyń ekinshi aınalymynda qarsylasyna jol berdi. Ol úsh dúrkin álem chempıony jáne Rıo olımpıadasynyń qola júldegeri ázirbaıjandyq Najı Alıevpen kezdesti. Kezdesý 9:1 esebimen aıaqtalyp, Ázirbaıjan ókili jartylaı fınalǵa shyqty. 

Al Qazaqstandyq balýan Álisher Erǵalı olımpıada oıyndaryn shırek fınalda aıaqtady. 97 keli salmaqta synǵa túsken Álisher Erǵalı jartylaı fınaldyq joldamany túrkıalyq Sýleıman Karadenızben sarapqa saldy. Tartysty beldesý 8:7 esebimen túrkıalyq balýannyń enshisine sheshilip, Álisher Erǵalı utylyp qaldy.