El mereıin asqaqtatar ulttyq joba Qazaqstan Respýblıkasynyń Tuńǵysh Prezıdenti, Elbasy Nursultan Ábishuly Nazarbaevtyń                2013 jylǵy jeltoqsandaǵy № 250 ókimine sáıkes jyl saıyn elimizdiń barlyq óńirlerinde ótkizilip keledi.

«Mereıli otbasy» ulttyq baıqaýy ónegeli qundylyqtardy jańǵyrtýǵa jáne otbasy men nekeniń jaǵymdy úlgisin taratýǵa, otbasy mártebesin arttyrýǵa baǵyttalǵan shara. Baıqaý jyldyń basynda jarıalanyp Otbasy kúnine oraı qorytyndylanady.

Baıqaýdy ótkizýdiń maqsattary:

1) otbasy ınstıtýtyn, adamgershilikti, rýhanılyqty nyǵaıtý, erli-zaıyptylyqtyń mańyzyn taný;

2) ata-analardyń bala tárbıeleýdegi jaýapkershiligin arttyrý;

3) otbasylyq qundylyqtardy, kámeletke tolǵan balalarynyń eńbekke qabiletsiz jáne egde jastaǵy ata-analaryna qamqor bolýyn dáripteý, jáne keńinen nasıhattaý;

4) qazaqstandyq otbasynyń jaǵymdy ımıjin nasıhattaý.

Bıylǵy óńirlik baıqaýǵa oblystyń aýdandary men qalalarynan munaı-gaz, energetıka, bilim, densaýlyq saqtaý, aýylsharýashylyǵy, óner, kásipkerlik salalarynan quralǵan 69 otbasy ótinimderin berdi. Baıqaýǵa kóp balaly otbasylar men jas otbasylar belsendi qatysýda.

Bıylǵy jyly baıqaýdyń oblystyq kezeńine qatysqan                            14 otbasyǵa  laýreat ataǵy berildi.

Óńirdiń  qyzyl aımaqqa enýine baılanysty, laýreattarǵa qala jáne aýdan ákimderi oblys ákiminiń atynan arnaıy dıplom jáne aqshalaı sertıfıkatty tabystady.

Aqtaý qalasy: Dúısenovter otbasy;Begendikovter otbasy.

Jańaózen qalasy: Ashyqovtar otbasy;Aımuratovtar.

Beıneý aýdany: Oraqovtar otbasy; Ájibaevtar otbasy.

Mańǵystaý aýdany: Qıanovtar otbasy; Bekmýrzınder otbasy.

Munaıly aýdany: Qaratýrıevterotbasy;Tasqynbaevtar otbasy.

Qaraqıa  aýdany: Mátikovter otbasy;Tájibaevtar otbasy.

Túpqaraǵan aýdany: Júnbasovtar otbasy;Túleýmaǵanbetovter otbasy.

«Mereıli otbasy - 2021» ulttyq baıqaýynyń oblystyq kezeńiniń qortyndysyboıynsha Mańǵystaý oblysynan atynan respýblıkalyq kezeńge Beıneý aýdanynyń Oraqovtar otbasy joldama aldy.

Otaǵasy, Oraqov Alýadın Oraquly 1925jyly Gýrev oblysy, Jyloı aýdany, Amankeldi aýlynda dúnıege kelgen. Uly otan soǵysynyń ardageri.

Soǵystan keıingi beıbit ómirde Atyraý oblysy Jyloı aýdanynyń Amankeldi, A.I.Mıkoıan, V.I.Lenın, Voroshılov atyndaǵy kolhozdarda 1944-1973 jyldar aralyǵynda býhgalter bolyp qyzmet etti. 1959-1961 jyldary  Embi aýdandyq sovetiniń depýtaty, Embi aýdandyq partıa komıtetiniń tekserý komısıasynyń múshesi bolyp saılanǵan. Keıinnen Mańǵystaý óz aldyna oblys bolyp bólinip, Beıneý aýdany qurylǵanda Qaraqum keńsharyna bas býhgalter bolyp taǵaıyndalyp, keńshardyń áleýmettik-ekonomıkalyq ósip-órkendeýine orasan úlesin qosqan.

Alýadın Oraquly 1941-1945 jyldardaǵy Uly Otan Soǵysynda Germanıany jeńgeni úshin medali, İİİ-dárejeli «Dańq» ordeni, Kýrsk shaıqasyndaǵy erligi úshin, «İ-dárejeli Otan soǵysy» ordeni, «Uly otan soǵysyndaǵy Jeńiske 65 jyl, 70 jyl» medaldary, QR jáne onyń astanasynyń damýy men qalyptasýyna eleýli úles qosqany úshin «Astana 10 jyl», «Astana 20 jyl» medaldarynyń ıegeri. Beıneý aýdanynyń Qurmetti azamaty.

Zaıyby, Oraqova Sándesh Qarjaýqyzy - 1930 jyly Gýrev oblysy, Jyloı aýdany, Amankeldi aýlynda dúnıege kelgen.

Sándesh anamyz jas kúninen qolyna urshyǵyn alyp jip ıirip, jún tútedi, oıý oıyp tekemet basqan. Kóp balaly ana, «Altyn alqa» ıegeri. 85 jasynda ómirden ozǵan.

Ónegeli otbasy 8 bala ósirip, olardan  33 nemere, 48 shóbere súıip otyr.

Atalǵan baıqaý bıyl jetinshi ret ótkizilýde. 2015 jyly oblystyq kezeńniń jeńimpazy atanǵan, 12 bala, 46 nemere, 41 shóbere tárbıelep otyrǵan baqytty otbasy Qulsarıevter respýblıkalyq baıqaýdyń Gran prı ıegeri atanǵan bolatyn.