Pavlodar oblysynda 25 jastaǵy dáriger jol apatynan kóz jumdy. Bul týraly óńirdiń polısıa departamenti habarlady.

Qaıǵyly oqıǵa 6 tamyz kúni saǵat 23:45 shamasynda Omby-Maıqapshaǵaı avtojolynyń 380-shi shaqyrymynda bolǵan. Chernoıarka aýylynyń mańynda 32 jastaǵy "Nissan Patrol" avtokóliginiń júrgizýshisi "ÝAZ" avtokóligimen soqtyǵysady. Saldarynan "ÝAZ" avtokóliginiń 25 jastaǵy jolaýshy trassaǵa qaraı ushyp ketip, qarama-qarsy bettegi kóliktiń astyna túsip, oqıǵa ornynda qaıtys bolǵan. 

Sonymen qosa jol apatynan 51 jastaǵy "ÝAZ" avtokóliginiń júrgizýshisi, 32 jastaǵy "Nissan Patrol" kóliginiń júrgizýshisi, 30 jastaǵy jolaýshy men 3 jasar bala zardap shekken. Olardyń barlyǵy aýyr jaraqatpen, aýrýhanaǵa jetkizilgen. 

Polısıanyń habarlaýynsha,  qaıtys bolǵan 25 jastaǵy dáriger, naýqas áıeldi Aqsý qalalyq aýrýhanaǵa jatqyzyp, aýyldyq ambýlatorıaǵa qaıtyp kele jatyp, jol apatyna ushyraǵan. Marqumnyń  artynda júkti áıeli men jas balasy qaldy.