Premer-mınıstr Asqar Mamın Qazaqstanda shekteý sharalary men maska taǵý rejımin saqtaý boıynsha úkimet otyrysynda tapsyrma berdi. 

Úkimet basshysy vaksınasıa pandemıadan shyǵýdyń mańyzdy joly bolyp qala beretinin atap ótti.

– Qazirgi ýaqytta birinshi komponentpen 5,9 mıllıonnan asa adam egildi, al ekinshi komponentpen 4,5 mıllıonǵa jýyq adam egildi. Biraq bul jetkiliksiz. Batys Qazaqstan, Mańǵystaý jáne Atyraý oblystarynyń ákimi egý josparynyń bıyl tamyzynda oryndalýyn qamtamasyz etýi tıis, – dedi Mamın.

Premer-mınıstr osy jylǵy 25 tamyzǵa deıin medısınalyq qarsy kórsetilimderi bar adamdardan basqa, pedagogtar men tehpersonaldy vaksınalaýmen 100% qamtamasyz etýdi, osy jylǵy 20 tamyzǵa deıin mektepterdi sanıtarıalyq talaptarǵa sáıkes (kvarsteý, dezınfeksıa, maska rejımi, kúndelikti termometrıa jáne t.b.) qabyldaýdy aıaqtaýdy tapsyrdy.  

– Halyqtyń shekteý sharalaryn, ásirese betperde rejımin saqtaýyn qamtamasyz etý qajet. Ol úshin monıtorıńtik toptardyń jumysyn jandandyryp, tártip buzýshylar jaýapkershilikke tartylýy tıis, – dedi Asqar Mamın.

Ol óńir basshylaryna vaksınalaý qarqynyn kúsheıtýdi tapsyrdy.

Sondaı-aq "Ashyq" júıesine qatysatyn kásipkerlik sýbektileriniń sany artyp kele jatqanyn da atap ótti.

– Olardyń sany 5 esege, 21 myńnan 101 myńǵa deıin kóbeıdi. Bul bıznestiń jumysyn jalǵastyrýǵa múmkindik beredi. Sondyqtan "Ashyq" qosymshasyn qoldaný aıasyn odan ári de keńeıtý qajet, – dedi Asqar Mamın.