«5-10-20 Shańyraq» baǵytynyń talaptaryna sáıkes, turǵyn úı kezeginde tirkelgen tólemge qabiletti barlyq sanattaǵy azamattardyń ótinim jiberý múmkindigi qarastyrylǵan. Atalǵan baǵyt «Nurly jer» memlekettik baǵdarlamasy aıasynda nesıelik baǵytta jeńildetilgen paıyzdyq kórsetkishke ıe.

Munda azamattarǵa qoıylatyn basty talaptar - otbasynyń jıyntyq tabysy eń tómengi kúnkóris deńgeıiniń 3,7 eselengen shamasynan (2021 jylǵa - 126 917 teńge) aspaýy tıis.

Azamattarǵa jańa turǵyn úı satyp alýǵa beriletin qarajat kólemi – 15 mln teńge. Bul soma jyldyq mólsherlemesi 5 paıyz, alǵashqy jarna 10 paıyzben 20 jylǵa nesıelik negizde rásimdeledi. Atalǵan baǵyt boıynsha ótinimderdi qabyldaý «Otbasy banki» ınternet resýrstary arqyly júrgiziledi.

Aıta ketý kerek, bıyl Shymkent qalasy boıynsha «Nurly jer» memlekettik baǵdarlamasy aıasynda «Shańyraq» baǵytymen turǵyn úı kezeginde turǵan 1728 azamat nesıelik baspanaǵa qol jetkizedi.