Anadolu ajans aqparat agenttigi tálipter Kabýlǵa jaqyn mańdaǵy Gaznı qalasyn basyp alyp, túrmedegi júzdegen tutqyndy bostandyqqa jibergenin habarlady.

Aýǵan bıliginiń málimdeýinshe, tálipter qaladaǵy basty mekemeler – gýbernatordyń keńsesi, polısıa ýchaskesi men túrmeni óz baqylaýyna alyp, kóptegen qarý jaraqtar men oq-dárilerdi tartyp alǵan.

Uıym "Shibirǵan" túrmesindegi barlyq tutqyndar bosatylǵanyn habarlady. Áleýmettik jelilerde jarıalanǵan vıdeoda júzdegen tutqynnyń túrmeden bosatylǵanyn kórýge bolady.

– "Bul tek bastamasy ǵana jáne sizder basqa provınsıalardyń  bizdiń qolymyzǵa qalaı ótetinin jaqynda kóresizder, – dedi áleýmettik jelide Talıban ókilderi.

Eldiń Qorǵanys mınıstrligi qarýly qaqtyǵys kezinde kúnine 200-den kóp  sodyrdyń kózi joıylyp jatqanyn aıtady. Qazir soǵys qımyldary birneshe provınsıada qatar júrip jatyr.

Sondaı-aq "Ál-Jazıra" arnasynyń habarlaýynsha, Aýǵanstan úkimeti tálipterge zorlyq-zombylyqty toqtatyp, el basqarý isine qatysýdy usynǵan. Aýǵanstannyń basqa aımaqtarynda da qaqtyǵystar jalǵasyp, tálipterdiń basqa provınsıalardy jaýlap alýy jyldam órbýde.

Aıta keteıik, Aýǵanstandaǵy jaǵdaı AQSH áskerin ákete bastaǵan kezden ýshyqty. Keıbir derek kózderi boıynsha tálipter el aýmaǵynyń 65 paıyzyn jaýlap alǵan.