Belgili sportshy Qýat Hamıtov áleýmettik jelidegi paraqshasynda Almaty kóshelerinde adamdardy ýlaý jumystary júrgizilip jatyr degen vıdeo jarıalady.
– Saǵat túngi 12:00. Aınabulaq aýdany. Ne bolyp jatqanyn qarańyzdar. Artynda bir kólik júrip keledi. "Highlander" 054. Al, aldynda traktor. Bizdi ýlap jatyr. Osydan keıin aýyramyz.
Bul genosıdti toqtatatyn zań barma? Álde ózimiz aınalysýymyz qajet pe, –dep jazdy sportshy.
Almatynyń jasyl ekonomıka basqarmasy jelidegi bul vıdeoǵa túsinikteme berdi.
"Kórsetilgen meken jaıda "Dezınfeksıa" mekemesi jasyl jelekterdi zıankesterden bıologıalyq preparattarmen óńdeý boıynsha jumystar júrgizýde. Jumys tıimdi bolýy úshin túngi ýaqytta júrgiziledi, óıtkeni bıologıalyq preparat últrakúlgin sáýlelerdiń áserinen tıimdiligin joǵaltady", delingen departament taratqan habarlamada.
Almaty qalasynyń sanıtarlyq-epıdemıologıalyq baqylaý departamentiniń málimetine súıensek, bıologıalyq preparat 400 túrli jándikterge qarsy qoldanylady.
Eske sala keteıik, sportshy Qýat Hamıtov 2020 jyly qyrkúıekte dezınfeksıa jasaýshylar "halyqty ýlap jatyr" dep jelide vıdeo úndeý jasap, olardy uryp-soǵýǵa úndegen bolatyn.
Almaly aýdandyq soty atalǵan is boıynsha qylmystyq kodekstiń 272-baby 3-bóligi boıynsha (bılik ókilderiniń zańdy talaptaryna belsendi túrde baǵynbaýǵa jáne jappaı tártipsizdikke shaqyrý ne jappaı tártipsizdikke arandatý) quqyq buzýshylyq jasady degen kúdikpen Qýat Hamıtovke qatysty qylmystyq is qozǵaǵan.
Al 2021 jyldyń 28 qańtarynda sot sheshimimen Qýat Hamıtov 6 aıǵa bas bostandyǵynan shektelgen.
Posmotret etý pýblıkasıý v Instagram
Pikir qaldyrý