Shymkent qalalyq qýyrshaq jáne jasóspirimder teatrynyń 39-shy maýsymy ashyldy. Jańa maýsym elimizdiń kór¬nek¬¬ti memleket jáne qoǵam qaıratkeri, jazý¬shy-dramatýrg Rahymjan Otarbaevtyń «Saǵynysh shóbi» qoıylymymen bastaldy.

Qazaq dramatýrgıasynyń klasıkalyq týyndysy jelisinde sahnalanǵan bul qoıylym tarıhı derekterge negizdelip, kórermenge ulttyq bolmys pen erlik, otansúıgishtikti dáripteıtin erekshe týyndy desek bolady. Qoıýshy rejısery M.Maldybaeva, qoıýshy sýretshi G.Babaeva.

Esterińizge salsaq teatr 38-shi maýsymynda qalyń kórermendi túrli janrdaǵy qoıylymdarmen tánti etken bolatyn. Atap aıtsaq, álemdik deńgeıdegi klasıkalyq týyndy bolyp tabylatyn N.Gogoldiń «Jenıtba» komedıasy, D.Salamattyń «Qasqyr shóp jeı me?» ertegisin, M.Maldybaevanyń «Asyl shóp» qoıylymy, A.Altynbekovtyń «Rahmet saǵan, dáriger!» qoıylymynyń premerasyn kórermenge tartý etken bolatyn. Bıylǵy jańa maýsymda jańa premeralarmen qatar túrli qoıylymdar sizderdi asyǵa kútedi degen zor senim bar.

Shymkent qalalyq qýyrshaq jáne jasóspirimder teatry 1984 jyly alǵash ret G.Landaýdyń «Ký-ka-re-ký» spektaklimen shymyldyǵyn ashyp, búgingi kúnge deıin úzdiksiz jumys jasap keledi. Teatr repertýarynda búgingi tańda otandyq jáne sheteldik avtorlardyń qazaq jáne orys tilderinde 150-ge jýyq qoıylymdary bar.

Aıta keteıik, atalǵan teatrǵa karantın talaptaryna sáıkes Ashyq jobasymen kirýge ruqsat etiledi. Munda maska rejımi men áleýmettik qashyqtyqty saqtaı otyryp, tolymdylyǵyn 30 paıyzdan asyrmaı qyzmet kórsetiledi.