Shymkent qalasynyń Soltústik Batys bóliginde ornalasqan eldimekenderdi aýyz sýmen qamtý maqsatynda úsh magıstraldy sý qubyrynyń qurylysy júrgizilip jatyr. Osy jumystardyń sapaly júrgizilýin baqylaý. 

Jalpy uzyndyǵy 11,37 shaqyrymdy quraıtyn «Kómeshbulaq» nysanynyń qurylysy 2020 jyly bastalǵan bolatyn. Qazirgi ýaqytta 8,3 shaqyrym qubyr ornatylyp, qurylys jumystarynyń 75 paıyzy aıaqtaldy. Nysan qurylysyn osy jyldyń sońyna deıin aıaqtaý josparlanyp otyr.

Sonymen qatar, uzyndyǵy 13,6 jáne 11,76 shaqyrymdy quraıtyn aýyz sý qubyrlarynyń qurylysy da bıyl aıaqtalyp, jyl sońynda paıdalanýǵa beriledi dep kútilýde.

Atalǵan magıstraldy sý qubyrynyń qurylysy aıaqtalsa Asar-2, Dostyq, Soltústik saıajaı, Yntymaq, Yntymaq-2, Batys, Qyzyljar, Igilik, Jańatalap, Táýelsizdikke 20 jyl, Kókbulaq turǵyn alaptary tolyqqandy sapaly aýyz sýmen qamtamasyz etiletin bolady. 

Qazirgi ýaqytty qala turǵyndaryn sapaly aýyz sýmen qamtý maqsatynda 14 nysannyń, ıaǵnı 3 magıstraldy sýaqqy men 11 ishki oramdyq júıeler qurylysy júrgizilip jatyr.

Al bul jyly barlyǵy 9 eldimekende qurylys jumysy aıaqtalyp, Turan, Soltústik saıajaı, Yntymaq-2, Batys, Jańaturlan, Asar-2, Aqtas, Jańatalap jáne Sáýle shaǵyn aýdandary sapaly aýyz sýmen qamtylady.