Bıylǵy jyldyń 1 shildesinde qalalyq jumyspen qamtý jáne áleýmettik qorǵaý basqarmasyna qarasty «Shapaǵat» áleýmettik qyzmetter kórsetý ortalyǵy janynan «Ten qogam» áleýmettik keńes berý sektory ashylǵan bolatyn. Osy ýaqyt aralyǵynda ortalyq qyzmetkerleri 1683 múmkindigi shekteýli azamatqa túrli qyzmet kórsetken. 

Atap aıtqanda, ortalyq mamandary áleýmettik qyzmetter portaly arqyly kórsetiletin qyzmet túrlerine kómek berý, múgedektigi bar qyzmetkerlerdi jumysqa qabyldaý boıynsha keńester berý, sanatorıı-kýrorttyq emdelýge joldama alý, «Bastaý bıznes» jobasy boıynsha kásipkerlik negizderine oqytýǵa qujattar tapsyrý, jekeleı súıemeldeý jáne t.b. qyzmetter boıynsha kómek kórsetken.

Aıta ketsek, Shymkent qalasy boıynsha múmkindigi shekteýli jandar sany – 36 919. Onyń ishinde, I top – 3326 adam, II top – 14 846 adam, III top – 12 287 adam, 16 jasqa deıingi balalar – 6460 adam tirkelgen.