Aqtóbe oblysynda jol apatynan 1 adam kóz jumdy. Bul turaly oblystyń polısıa departamenti habarlady.
Qaıǵyly oqıǵa Pokrovka-Jańajol tas jolynda bolǵan. 45 jastaǵy "Toyota Land Cruiser" avtokóliginiń júrgizýshisi Temir qalasynyń mańyndaǵy Pokrovka-Jańajol avtojolynyń 21 shaqyrymynda róldi basqara almaı, kólik quralynyń qozǵalysy barysynda oń jaqqa aýdarylyp ketken.
Saldarynan avtokólik júrgizýshisi alǵan jaraqatynan oqıǵa ornynda qaıtys boldy. Al 46 jastaǵy jolaýshy Keńqıaq aýyldyq aýrýhanasyna jetkizilgen.
Qazir qylmystyq kodekstiń 345-baby 3-bóligi (abaısyzda adam ólimine ákep soqqan jol kólik erejesin buzý) boıynsha tergeý jumystary júrgizilýde.
Pikir qaldyrý