Soltústik Qazaqstan oblysynda júkti áıelderdiń koronavırýs juqtyrý kórsetkishi ósti, dep habarlady KTK telearnasy.
Pandemıa bastalǵaly oblysta 517 júkti áıel koronavırýs juqtyrǵan. Mamandardyń aıtýynsha, júkti áıelder aýrýdy kótere almaıdy. Keıde dárigerler júktilikti úzýge májbúr bolady.
Koronavırýs saldarynan náresteler kóp jaǵdaıda ýaqytynan erte dúnıege keledi. Sondyqtan túrli patologıamen týady. Kesar tiligi jasalǵan 15 áıeldiń 12-si ýaqytynan erte bosanǵan.
Qazir onyń tórteýi jansaqtaý bóliminde. 700 gram salmaqpen dúnıege kelgen náreste shetinep ketken.
Dárigerler júkti áıelderdi dertten saqtaý úshin aınalasyndaǵylardyń vaksına saldyrýy mańyzdy ekenin aıtady.
Pikir qaldyrý