Aýǵanstandaǵy alǵashqy áıel ákim Zarıfa Gafarı Talıban Kabýldy basyp alǵannan keıingi qorqynyshy týraly aıtty. Bul týraly Son Dakika basylymy jazdy.

Zarıfa Gafarı 2018 jyly Meıdan-ı Vardak provınsıasynyń eń jas áıel meri.

 Talıbandar Gafarıǵa jıi qastandyq jasaǵan

Talıban Gafarıdi jıi qorqytyp, birneshe ret qastandyq jasamaq bolǵan. Qaýip-qater kúsheıgen saıyn Gafarıǵa Kabýldaǵy Qorǵanys mınıstrliginiń kúzetinde jańa jumys berildi.

"Úsh apta buryn úlken úmitim boldy"

Talıban Kabýlǵa kirerden úsh apta buryn Zarıfa Gafarı Maıkl Deıge bergen suhbatynda ol áli de Aýǵanstannyń bolashaǵyna úmitpen qaraıtynyn aıtqan bolatyn.

– Jastar ne bolyp jatqanyn biledi. Olarda áleýmettik jeliler bar. Sol arqyly bir-birlerimen sóılesip, qalaıda progres úshin jáne bizdiń quqyqtarymyz úshin kúresedi, –degen edi Gafarı.

"Talıbannyń kelýin kútip otyrmyn"

Alaıda Talıban Kabýlǵa kirgende Gafarıdiń alańdaýshylyǵy arta túsip, Gafarı Talıban onyń sońynan eretinin málimdedi.

– Men talıbannyń kelýin kútip otyrmyn. Maǵan jáne meniń otbasyma kómektesetin eshkim joq. Olar kelip, meni óltiredi. Men óz otbasymdy tastap kete almaımyn. Olardy tastap qaıda baramyn?, – deıdi ol.