Fılologıa ǵylymdarynyń doktory, profesor Álimhan Júnisbek koronavırýstan qaıtys boldy. Qaraly habarly Ahmet Baıtursynuly atyndaǵy til bilimi ınstıtýtynyń dırektory Anar Fazyljanova rastady. 

Álimhan Júnisbek qazaq fonetıkasyna, orfografıa men orfoepıa máselelerine, sıngarmonızm teorıasyna eńbek sińirgen ǵalym. 

Álimhan Júnisbek 1938 jyly Túrkistan oblysy Sháýildir aýdanynda týǵan.

QazMÝ-dyń fılologıa fakúltetin 1963 jyly bitirgen. 1964 jyldan Qazaqstan ǵylym akademıasy Ahmet Baıtursynuly atyndaǵy Til bilimi ınstıtýtynda kishi ǵylymı qyzmetker, aǵa ǵylymı qyzmetker, bólim meńgerýshisi, bas ǵylymı qyzmetker bolyp jumys istegen. 

Álimhan Júnisbek qazaq fonetıkasyna, orfografıa men orfoepıa máselelerine, sıngarmonızm teorıasyna eńbek sińirgen ǵalym.

Ol túrki jáne qazaq tiltanymyndaǵy sózquraýysh máselesi, qazaq tilindegi sıngarmonızm zańy, qazaq tiliniń artıkýlásıalyq bazasy quramyndaǵy artıkýlásıalyq úlgiler, qazaq tilindegi býyn jáne morfemanyń dybys quramy men jelisi, latyn álipbıine kóshý máseleleri, qazaq tilin ózge ult ókilderine úıretý ádistemesi máselelerimen aınalysqan.

Ǵalym 2007 jyly Qazaqstan Respýblıkasy bilim jáne ǵylym mınıstrliginiń "Qazaqstan Respýblıkasynyń ǵylymyn damytýǵa sińirgen eńbegi úshin" tósbelgisimen, "Eren eńbegi úshin" medalimen marapattalǵan.