Aqtóbe oblysynda jol apaty bolyp, bútindeı bir otbasy músheleri kóz jumdy, dep habarlady oblystyq  polısıa departamenti.

Qaıǵyly oqıǵa 16 tamyz kúni 19:15-te bolǵan. Aqtóbe qalasynan Yrǵyz aýylyna qaraı kele jatqan "Nissan X-Trail" kóliginiń 39 jastaǵy júrgizýshisi, aldyndaǵy kólikti basyp ozbaq bolyp, qarsy jolǵa shyǵyp "Volvo" júk kóligimen soqtyǵysqan. 

Saldarynan "Nissan" júrgizýshisi, onyń 40 jastaǵy jary men 11 jastaǵy uly sol jerde kóz jumǵan. Al 5 jasar uly men 10 jastaǵy qyzy Yrǵyz aýdanynyń ortalyq aýrýhanasyna jetkizilgen. Alaıda 5 jasar uly aýrýhanaǵa barǵanda kóz jumǵan. 

Qazir qylmystyq kodekstiń 345-baby 4 bóligi (Eki jáne odan da kóp adamnyń ólimine sebep bolǵan jol qozǵalysy erejesin buzý) boıynsha is qozǵalyp, tergeý júrýde.