Shymkentte COVID-19 ınfeksıasynyń aldyn alý maqsatynda QR Eńbek jáne halyqty áleýmettik qorǵaý mınıstrliginiń tapsyrmasyna sáıkes, ataýly áleýmettik kómek alýshy otbasylarǵa tegin dári-dármek qobdıshalary taratyldy. Sharaǵa qalalyq jumyspen qamtý jáne áleýmettik qorǵaý basqarmasy, qalalyq halyqty jumyspen qamtý ortalyǵynyń qyzmetkerleri belsendilik tanytyp, qobdıshalar AÁK alýshylardyń meken-jaılaryna taratyldy.

Dárilik toptamanyń ishine termometr, 100 dana medısınalyq betperde, qolǵa arnalǵan antıseptık, ıbýprofen jáne parasetamol dárisi kiredi.Jıyntyqtardyń quramy QR Densaýlyq saqtaý mınıstrliginiń negizinde aıqyndalǵan.

Aıta ketsek, atalǵan áleýmettik kómek túri aǵymdaǵy jyldyń 15 shildesinen bastap taratyla bastady. Búgingi tańda 20 myńnan astam ataýly áleýmettik kómek alýshy otbasy dári qobdıshalaryn aldy.

Jalpy qalada ataýly áleýmettik kómekti alatyn 30 myńnan astam otbasy bar.