Shymkent qalasynyń ákimi Murat Áıtenov kezekti ret tikeleı efırge shyǵyp, turǵyndar suraqtaryna jaýap berdi.

Efır bıylǵy mamyr aıynda qoldanysqa engizilgen memlekettik tapsyrys arqyly balalar men jasóspirimderge arnalǵan sport seksıalary men shyǵarmashylyq úıirmelerdi jan basyna qarjylandyrý júıesi taqyrybyna arnaldy.

Memleket basshysynyń buqaralyq jáne balalar sportyn damytý jónindegi naqty tapsyrmasy bar ekendigin atap ótken qala basshysy sportty damytýda maqsatty jumystar atqarylyp otyrǵandyǵyn aıtty.

Bul baǵytta mektepterdegi sporttyq úıirmelerge 156 myń bala qamtylyp, sport mektepterinde jáne memlekettik-jekemenshik áriptestik boıynsha jumys júrgizetin 5 sporttyq uıymǵa 17 myń bala tartylǵan.

Sporttyq nysandardyń turǵyndarǵa qoljetimdi bolýyn uıymdastyrýda shaǵynaýdandar men turǵyn alaptarda 115 sport alańshalaryn ornatý bastamasy qolǵa alynyp, iske asyrylýda.

Qala ákimi Prezıdent tapsyrmasyna sáıkes bıylǵy jyly sporttyq jáne shyǵarmashylyq seksıalarǵa jan basyna shaqqandaǵy qarjylandyrý júıesi engizilgenin atap ótti. Jańa joba boıynsha 4 jastan 18 jasqa deıingi balalar, onyń ishinde erekshe qajettiligi bar balalar memlekettik tapsyryspen kez-kelgen sport seksıasyna, shyǵarmashylyq úıirmesine tegin bara alady.

Jańa jobaǵa sáıkes ata-analardan sporttyń 71 túri boıynsha ótinishter qabyldanady. Qazir sporttyń boks, fýtbol, grek-rım kúresi, júzý sporty, ústel tenısi, karate, taekvondo, dzúdo, basketbol túrleri boıynsha ata-analardan 2211 ótinim túsken. Jobany iske asyrýǵa bıylǵa 339,8 mln teńge qaralyp, 4096 balanyń sporttyq seksıalarǵa barýyna múmkindik berilgen.

Shyǵarmashylyq úıirmeler boıynsha bir myń balany qamtýǵa 72 mln. teńge qaralǵan. Memlekettik tapsyrys 13 shyǵarmashylyq baǵytty qamtıdy. Ata-analardan ulttyq bı, halyq bıi, bal bıi, derekti jáne kórkem kınosy, akterlyq sheberlik úırmeleri boıynsha 689 ótinim túsken.Balalaryn memlekettik tapsyrys sheńberinde sporttyq seksıalar men shyǵarmashylyq úırmelerge jazdyrǵysy kelgen ata-analar artsport.edu.kz biryńǵaı ıntegrasıalanǵan bilim berý platformasy arqyly ótinish qaldyrady.

Júıeniń ereksheligi – árbir ata-ana sporttyq seksıany nemese shyǵarmashylyq úıirmeni ózi tańdaı alady.Jattyqtyrýshylardyń biliktiligin, nysannyń ornalasqan jerin tańdaý múmkindigine ıe.

Turǵyndar tarapynan túsken saýaldarǵa jaýap bergen qala ákimi bul júıe turaqty bolatynyn jáne aldaǵy jyldary oǵan bólinetin qarajat pen balalardy qamtý kórsetkishi ósetinin atap ótti.