Búgin Qazaqstannyń áskerı áýe kúshteri Aýǵanstannan evakýasıalanǵan 42 jolaýshymen Almatyǵa sátti qondy, dep habarlady qorǵanys mınıstrligi.

Qazaqstanǵa 25 QR azamaty, onyń ishinde 15 eresek adam jáne 10 bala, sondaı-aq QR elshiliginiń qyzmetkerleri keldi.

Sonymen qatar áskerı ushaqpen Qyrǵyz tarapynyń ótinishi boıynsha Qyrǵyz Respýblıkasynyń 14 azamaty evakýasıalandy.

Gýmanıtarlyq operasıa retinde osy ushaqpen Qazaqstan elshiligine kómek surap júgingen 1 Reseı azamaty men 1 Lıtva azamaty Aýǵanstannan shyǵaryldy.

– Birneshe kún buryn Aýǵanstan aýmaǵynda Qazaqstan azamattary joq dep málimdeme jasaǵan edik. Sebebi ol kezde biz biletin adamdardyń bári shyǵyp ketken. Alaıda eki-úsh kúnniń ishinde elshilikke bir top azamat kelip, elge oralýǵa ótinish bildirdi. Qazaqstandyq qujattaryn kórsetti. Búgin ǵana osy jarty saǵattaı buryn Almaty áýejaıyna qorǵanys mınıstrliginiń arnaıy ushaǵy qondy. Onymen Qazaqstannyń 25 azamaty elge jetkizildi, – dedi syrtqy ister mınıstrliginiń resmı ókili Aıbek Smadıarov,