Densaýlyq saqtaý vıse-mınıstri Ajar Ǵınıat mektepterdegi sanıtarlyq-epıdemıologıalyq jaǵdaıdy málimdedi.

– Bilim jáne ǵylym mınıstrligi bilim berý uıymdaryn 2021-2022 oqý jylyn dástúrli shtattyq oqytý rejımine kóshirý týraly sheshim qabyldady. Qazirgi ýaqytta ákimdiktermen birigip, sanıtarlyq-epıdemıologıalyq qyzmetkerleri mektepterdiń oqý jylyna daıyndyǵyn tekserýde. Sonyń ishinde sanıtarlyq-epıdemıologıalyq talapqa saı kelýi tekseriledi.

Birinshiden, ǵımarattardyń sanıtarlyq-epıdemıologıalyq jaǵdaıy basty nazarda. Mektepke kelgende balalardyń ara qashyqtyǵyn saqtaý týraly aıqyn belgilerdiń bar bolýy jáne sanıtaızerler (dezınfeksıalaý úshin), mektepke kirer joldaǵy ótkizetin baqylaý jumystary qalaı júrgiziletini boıynsha tekserý jumystary bastaldy, –  dedi vıse-mınıstr.

Onyń aıtýynsha búginde 354 mektep oqý jylyna daıyn emes. Tekseris jumystary 25 tamyzǵa deıin júrgiziletin bolady.

– Qazir bas sanıtar dárigerdiń qaýlysy ázirlenýde. Oǵan sáıkes, eger synypta bir bala koronavırýspen aýyrsa, barlyq synyp baılanysta bolǵandyqtan karantınge ketedi. Balalardyń jappaı aýyryp qalýyna jol bermes úshin osy qaýlyda mektepterge sanıtarlyq talaptar kúsheıtilýde, – dep aıtty Ajar Ǵınıat.