Densaýlyq saqtaý mınıstrligi 22 tamyzda PTR test arqyly 6314 adamnan koronavırýs, 27 adamnan pnevmonıa anyqtalǵanyn habarlady. 21 tamyzda 113 adam koronavırýstan, 24 adam pnevmonıadan qaıtys bolǵan.

23 tamyzdaǵy málimet boıynsha, 124 871 adam koronavırýs pen pnevmonıadan emdelip jatyr. Olardyń ishinde 30 197 pasıent stasıonarda, 94 674 naýqas ambýlatorıalyq deńgeıde em qabyldaýda. 

Koronavırýsqa shaldyqqandar arasynda 1 944 adamnyń jaǵdaıy aýyr, 518 pasıenttiń jaǵdaıy óte aýyr, 312 naýqas ÓJJ apparatynda jatyr.

23 tamyzdaǵy málimet boıynsha Qazaqstanda 6 369 263 adam vaksınanyń İ komponentin, II komponentin 5 013 064 adam saldyrǵan.

Qazaqstan óńirlerindegi epıdemıologıalyq ahýaldy baǵalaý matrısasyna sáıkes, Nur-Sultan, Almaty, Shymkent qalalary, Aqmola, Aqtóbe, Almaty, Atyraý, Batys Qazaqstan, Jambyl, Qaraǵandy, Qostanaı, Qyzylorda, Mańǵystaý, Pavlodar, Soltústik Qazaqstan jáne Shyǵys Qazaqstan oblystary "Qyzyl" aımaqta. Túrkistan oblysy ǵana "Jasyl" aımaqta.