AQSH prezıdenti Djo Baıden Aq úıdegi Rýzvelt zalynda azamattardy Aýǵanstannan evokýasıalaýǵa baılanysty sóz sóıledi, dep jazady Assoshıeıted pres agenttigi.

Baıden Aýǵanstannan amerıkalyqtardy, qaýip tónýi yqtımal aýǵandardy evakýasıalaý qarqyny jyldamdaǵanyn, adamdardy elden shyǵarý merzimin uzartý boıynsha Talıban uıymymen kelissóz júrip jatqanyn aıtty. Buǵan deıin áýe arqyly tasymal 31 tamyzǵa deıin jalǵasýy kerek bolǵan.

Baıdenniń sózinshe, 14 tamyzdan beri Aýǵanstannan 28 myń adam eavkýasıalanǵan. Taǵy ondaǵan myń adam áýe kóligin tosyp otyr.

Sondaı-aq ol evakýasıalanǵan aýǵandyq AQSH-qa birden jetkizilmeıtinin, olar úshinshi elderge aparylyp, jiti tekseriletinin aıtty.

AQSH prezıdenti ekstremıstik toptardyń Aýǵanstan áýejaıyndaǵy haosty paıdalanyp ketpeýine barynsha daıyn ekenin de jitkizdi.