Ulttyq bank tóraǵasy Erbolat Dosaev ınflásıany tómendetý josparyn jarıalady.

– 2021 jyly jeti aıdyń ishinde Qazaqstan ekonomıkasy 2,7 paıyzǵa ósti. Al jyl qorytyndysy boıynsha ishki jalpy ónim 3,7 paıyzǵa artyp, daǵdarysqa deıingi deńgeıge jetedi dep kútip otyrmyz,– dedi Dosaev úkimet otyrysynda.

Bas bankırdiń sózinshe, aldaǵy ýaqytta ınflásıanyń deńgeıi de tómendeıdi.

– Prezıdenttiń tapsyrmasyna saı, ınflásıany 2022 jyly 4-6 paıyzǵa, 2022-2024 jyldary 4-5 paıyzǵa, al 2025-2026 jyldary 3-4 paıyzǵa tómendetýge bolady, – dedi ol.

Buǵan deıin Qazaqstan Eýrazıalyq ekonomıkalyq odaq elderi arasynda azyq-túlik qymbattap jatqan jalǵyz el bolyp otyrǵany habarlanǵan.

EAEO boıynsha azyq-túlik taýarlary men qyzmetteriniń baǵa ındeksi 2021 jylǵy shildede 2021 jylǵy maýsymmen salystyrǵanda 100,3 paıyzdy kórsetken.

Osy rette azyq-túlik taýarlarynyń baǵasy Qazaqstannan ózge EAEO elderiniń barlyǵynda tómendegen.

2020 jylǵy jeltoqsanmen salystyrǵanda EAEO boıynsha jalpy ósim 4,7 paıyzdy quraǵan. Qymbatshylyqtyń tómengi deńgeıi Armenıa (3,3%) men Reseıde (4,5% ) tirkelgen.

Qazaqstanda shilde aıynda qymbatshylyq 11 paıyzy kórsetken. Sońǵy aıda et pen suıyq maı jáne qant baǵasy qymbattaǵan.