Shyǵys Qazaqstan oblysyndaǵy Kókpekti jáne Aıagóz aýdandarynda keshe shyqqan dala órti áli sónbeı jatyr.
Tótenshe jaǵdaılar departamenti baspasóz qyzmetiniń habarlaýynsha, Kókpekti aýdanyndaǵy "Klúchı" ýchaskesinde qyzyl jalynnyń jalpy aýdany 45 gektardy, Aıagóz aýdanyndaǵy Qara Bojyr ýchaskesinde 25 gektardy jáne Úmbetaı ýchaskesinde 10 gektardy quraǵan.
Oqıǵa ornynda barlyǵy 88 órt sóndirýshi, jergilikti atqarýshy organnyń 92 qyzmetkeri, 10 ormanshy jáne 27 tehnıka jumyldyrylǵan.
"Dese de 200 qyzmetker órttiń betin qaıtara almaı jatyr, oǵan qatty jel jáne arnaıy tehnıkanyń qozǵalysyna jolsyz jer kedergi keltirip jatyr" deıdi departamenttegiler.
Pikir qaldyrý