Ulybrıtanıa polısıasy Sheffıld qalasyndaǵy bes jasar aýǵan bosqynnyń ólimi týraly áleýmettik jelide násildik sıpattaǵy aýyr pikirler jazǵan áıeldi ustady.

Muhammed Mýnıb Majedı esimdi bala sársenbide "OYO Sheffield Metropolitan" qonaq úıiniń toǵyzynshy qabatynan terezeden qulap qaıtys boldy.

Bala men onyń otbasy ótken aptada Talıbannan qashyp Ulybrıtanıǵa kelgen. Aǵylshyn ishki ister mınıstrligi olardy qonaqúıge ornalastyrǵan. 

Sheffıld qalasynyń tártip saqshylary 42 jastaǵy áıeldi zıandy qarym-qatynas jasady jáne qoǵamdyq tártipti buzdy degen kúdikpen ustaǵan..

Ońtústik Iorkshır polısıasynyń habarlaýynsha, áıel polısıanyń baqylaýynda, qazirgi tańda tergeý júrip jatyr.

Detektıv ınspektordyń mindetin atqarýshy Lı Korker onlaında jazylǵan pikirler aýyr zardaptarǵa ákeletinin eskertti.

– Óshpendilik sózder nemese jekkórýshilik qylmystaryna jol berilmeıdi jáne ondaı qylmystardy ofıserler qatań túrde sheshedi, – dep málimdedi ol.