Qalalyq jumyspen qamtý jáne áleýmettik qorǵaý basqarmasynyń málimetinshe, Shymkent qalasyna jyl basynan beri kóship kelgen 798 otbasyndaǵy 1099 azamatqa qandas mártebesi berildi. Elge oralǵandardyń kópshiligi Ózbekstan, Aýǵanstan, Qytaı jáne Reseı elinen kóship kelip, qalanyń ár aýdanyna qonystanyp otyr.

Alys-jaqyn shetelden kóship kelgen qandastardy qoldaý maqsatynda basqarmaǵa qarasty «Qandastardy beıimdeý jáne yqpaldastyrý» ortalyǵy 6 aı merziminde memlekettik tildi úırenýi, ortaǵa beıimdelýi, jumyspen qamtylýy, baspana máselesi boıynsha, áleýmettik jaǵynan qoldaý negizinde qyzmet túrleri kórsetiledi.

Sonymen qatar, ortalyq 12 túrli mamandyq boıynsha tegin oqytady. Olar: tiginshi, kondıter, esepshi, kompúter grafıkasy, shashtaraz jáne t.b.

Aıta keterligi, jumysqa ornalasyp, baspana salyp, óz kásipterin dóńgeletip otyrǵan qandastar da joq emes. Sonyń biri «Dánekerleý isi» kishi kásiptik mamandyǵy támamdaǵan Myrzahmetov Madıar esimdi qandasqa búginde memlekettik baǵdarlama aıasynda jumysqa ornalastyrý boıynsha usynystar berildi.

Sondaı-aq, ortalyq mamandarynyń kómegimen elge beıimdelýi qarqyndy júrip, QR azamattyǵyn alyp, óz eńbeksúıgishtiginiń arqasynda, Qursaı eldi mekeninen úı turǵyzyp, baspanaly boldy.